منتدى متنوع يدعو الى الترابط و الوحدة وينبذ الكراهية والتفرقة


    هذي طرائف لطلاب اولى ابتدائي

    شاطر
    avatar
    maria11
    عــضــو مـتـمـيـز
    عــضــو مـتـمـيـز

    انثى
    المشاركات : 113
    العمر : 24
    العمل/الترفيه : rien
    المزاج : bien
    تاريخ التسجيل : 27/06/2008

    هذي طرائف لطلاب اولى ابتدائي

    مُساهمة من طرف maria11 في السبت يونيو 28, 2008 10:23 am

    هذي طرائف لطلاب اولى ابتدائي


    طفل قعد يبكي في اليوم الثاني من الدراسه وسأله المدرس ليه تبكي ؟....قال مالقيت فصلي ..

    قال له المدرس انت في اي صف ياشاطر ؟ ...قال الطفل انا في صف ثاني

    اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس وين كنت ؟

    قال الطفل انا امس كنت في " اولى " بس اليوم اصير في ثاني ..!!!

    " هذا على كيفه يحسب الدنيا فوضى "


    =============

    الثاني
    مسكين احتاج الحمام وراح له وبالصدفه مر احد المدرسين جنب الحمام وتفاجأ
    ان فيه ملابس كامله مكومه خارج الحمام من ثوب وفنيله وسروال وجزمه وشراب
    ....

    المسكين الطفل بعد ماخرج من الحمام قالو له ليه كذا ؟ ....قال انا كذا اروح للحمام في بيتنا

    =============


    طفل داوم معاه ابوه اول يومين وفي اليوم الثالث قال له انا ابروح للعمل واذا احتجت اي شي رح لم هالرجال واللي هو مدير المدرسه....
    والمدير
    يلبس نظاره وله لحيه واللي تسمى سكسوكه وبعد ماراح الوالد بفتره قعد الطفل
    يبكي وراحو به للمدير والمدير اتصل على الوالد واعطى التلفون للطفل يكلم
    ابوه فسـأله ابوه انت من وين تكلم ؟....

    قال الطفل انا اكلمك من عند الملك عبدالله..

    =============


    طفل آخر من المستجدين ذهب في وسط الدراسه لفصل اخوه وقال للاستاذ ممكن اخوي....ضحك المدرس وقال ظروري ؟ قال الطفل ايه ضروري مره....
    المدرس توقع انه محتاجه يوديه لدورة المياه فقال لاخوه اطلع معاه....ولما طلع قال الطفل لاخوه تعال نبغاك تلعب معنا

    gh\"-
    =============

    وهذي طرفه قديمه حتى نفتح المجال حتى للقديم
    وهي
    لطالب قال له المدرس شف هذاك كرسيك روح اجلس عليه....الطالب ما اكتفى فقط
    بالجلوس ولكنه عند نهاية الدوام اخذ معه الكرسي يجره الى بيتهم


    =============

    وهذه ام تقول
    بنتي
    في الحضانة.. أول يوم راحت.. انبسطت و كل شي تمام.,,لما رجعت قالت لي..يا
    ماما انت فشلتيني!!حاطتلي فطور يكفيني انا بلحالي ترا حنا بالفصل واجدين ..

    و الساندويتش ما كفانا كلنا و لا بقالي شي!!!(أثرها توزع على الدنيا.. تحسب الفطور قطة!!!!)


    و
    نفس اليوم قبل ما تنام قالت لي: ياماما اذا جيتي تقوميني الصباح و لا طعت
    أقوم لا تقوميني..معناه ان بطني بيعورني وماني رايحة المدرسة!!!!!!


    خخخخخخخخخخخخخخخخخخخخخخخخخ

    اتمنى تعجبكم


    تحياتي

      الوقت/التاريخ الآن هو الجمعة أبريل 20, 2018 10:38 am